Dattachi Gani: दत्ताची भक्तिगीतमध्ये एकूण १५+ गाणी आहेत. सर्व दत्ताची गीते (Dattachi Gani) मध्ये
Dattachi Bhakti geet । दत्ताची भक्तिगीत
दत्त दिगंबर दैवत माझे
दत्त दिगंबर दैवत माझे
हृदयी माझ्या नित्य विराजे ॥ धृ० ॥
अनसूयेचे सत्व आगळे
तीन्ही देवही झाली बाळे
त्रैमूर्ती अवतार मनोहर
दीनोद्धारक त्रिभुवनी गाजे ॥ १ ॥
तीन शीरे कर सहा शोभती
हास्य मधुर शुभ वदनावरती
जटाजूट शिरों पायीं खडावा
भस्म विलेपित कांती साजे ॥ २ ॥
पाहुनी प्रेमळ सुंदर मूर्ती
आनंदाचे आंसूं झरती
सारे सात्त्विक भाव उमलती
हळुहळु सरते मीपण माझे ॥ ३ ॥
जय जय दत्तराज माउली
जय जय दत्तराज माउली
जय जय योगीराज माउली ॥ धू० ॥
श्रीविधि हरिहर करुणासागर
परब्रह्म, परिपूर्ण, परात्पर
महाज्ञानी अवधूत दिगंबर भक्तांची साउली ॥ १ ॥
कृष्णा भीमा चरण क्षाळिती
शीतल वायू ताप वारिती
नारद तुंबर गाती, रमती ऋषिमुनि गुरु पाउली ॥ २ ॥
तिन्ही मुखावर शीतल शांती
विविध आयुधें करीं शोभती
चिरसुखदायी श्रीगुरुति स्मरणगामी भूतली ॥ ३ ॥
दिगंबरा दिगंबरा
दिगंबरा दिगंबरा श्रीपाद वल्लभ दिगंबरा
दत्तगुरूंचे नाम स्मरा हो दत्तगुरूंचे भजन करा ॥ धृ० ॥
हे नामामृत भवभयहारक
अघसंहारक, त्रिभुवनतारक
आत्मसुखाचा मोक्ष लुटाया अमोल ठेवा हातीं धरा ॥१॥
दत्तचरण माहेर सुखाचें
दत्तभजन भोजन मोक्षाचें
कवच लाभतां दत्तकृपेचें कळिकाळाचें भय न जरा ॥२॥
हा उत्पत्ति-स्थिती-लय कर्ता
योगज्ञान उद्गाता, त्राता
दत्तचरित मधु गाता गाता भवसागर हा पार करा ॥३॥
नमन माझे गुरुराया
नमन माझे गुरुराया । महाराजा दत्तात्रेया
तुझी अवधूत मूति । माझ्या जिवाची विश्रांती
माझ्या जीवींचें सांकडें । कोण उगवील कोडें
अहो अनसूया सुता । तुका म्हणे पाव आतां
दत्त दिगंबरा या हो
दत्त दिगंबरा या हो, नाथा मला भेट द्या हो ॥ धृ० ॥
तापलों गड्या त्रिविध तापे, बहुविध आचरलों पापें
मनाच्या संकल्प विकल्पं, काळिज थरथरा कांपे
कितितरि घेऊं जन्म फेरे, नाथा मला भेट द्या हो ॥ १ ॥
तुम्हांला कामकाज बहुत, वाट पाहूं कोठवर पर्यंत
प्राण आला कंठगत, कितितरी पाहसील बा अंत
दिनाची करुणा येऊं द्या हो, नाथा मला भेट द्या हो ॥२॥
संसाराचा वणवा, कितीतरि हा सोसावा
वेड लागलें जीवा, कोठे न मिळे विसावा
आपुल्या गांवा तरि न्या हो, नाथा मला भेट द्या हो ॥३॥
गेलो दत्तमयी होउनी
श्रीदत्ताचें नाम मुखीं या माझ्या रात्रंदिनी
गेलो दत्तमयी होउनी ॥ धृ० ॥
किती महिमा गावा गावा
चित्त आळवी एकच नांवा
त्या नांवांतील सामर्थ्यानें गेलो मी मोहुनी ॥ १ ॥
ब्रह्मा विष्णू महेश यांचे
रूप त्रिमूर्ती एकच साचे
हृदय मंदिरी प्रतिष्ठापना झालेली पाहुनी ॥ २ ॥
चरण दोन हे मार्ग दाविती
सहा करें सामर्थ्य ऑपती
ईशकृपेहुन काय मागणे मागावें मागुनी ॥ ३ ॥
आज मी दत्तगुरु पाहिले
माझे पुण्य फळा आले
आज मी दत्तगुरु पाहिले ॥ धृ० ॥
शंख चक्र करों विराजितते
पद्म कमंडलू हातीं शोभते
भस्मांकित तनु गोजिरवाणी यतिवेषं सजले ॥ १॥
गळां माळ ती हातीं झोळी
मुखकमलाची दिव्य झळाळी
स्वर्गसुखाची भेट आज हो धन्य जीवन झालें ॥ २ ॥
दीनांचा गुरुराज दयाळू
भक्तांसाठी होत कृपाळू
जटाधारी परब्रह्म साबळें पाहुनी मन धालें ॥ ३ ॥
माझिया हृदयाच्या मंदिरी
माझिया हृदयाच्या मंदिरी
पाही मी गुरुमूर्ती गोजिरी ॥ धृ० ॥
श्यामल कोमल चिन्मय मूर्ती
हृदय भावना मोदें डुलती
चरण तयांचे सदैव भिजवीन नयनाश्रू सागरों ॥ १ ॥
मंद दरवळे भक्ति परिमळ
वैराग्याचें नयनों काजळ
भाव फुलांची भाव मालिका वाही तयांचे शिरों ॥ २ ॥
स्मरण गुरूंचे अधरी निरंतर
जुवळी नातें सरतें अंतर
कृपाहस्त तो सदैव राहो भक्तजनांच्या शिरों ॥ ३ ॥
दत्त दत्त मज
दत्त दत्त मज लागो सदा ध्यान
दत्त निरंतर मुखीं राहो ॥ १ ॥
दत्त दिगंबर दत्त विश्वंभर
दत्त निराकार परब्रह्म ॥ २ ॥
हाती शंख पद्म सर्वांगाशी भस्म
मांगल्याची ठेव गुरुराज ॥ ३ ॥
कंठी शोभे हार ध्यान निराकार
दीनांचा आधार दत्तराज ॥ ४ ॥
श्रीगुरु औदुंबरीं पाहिले
श्रीगुरु औदुंबरों पाहिले । नरहरि औदुंबरीं ॥ धृ० ॥
दंडकमंडलु करीं विराजित । मुख इंदूचे परी ॥ १ ॥
धर्मरक्षण करावयास्तव । मानव वपु आदरी ॥ २॥
गंगाधरात्मज तत्पदकमलीं । लागला भ्रमरापरी ॥ ३ ॥
दत्ता ब्रह्मचारी ब्रह्मचारी
दत्ता ब्रह्मचारी ब्रह्मचारी त्रिभुवनांत तुझी फेरी ॥ १ ॥
सह्याद्रि आसन माहुर गडिये निद्रास्थान ॥ २ ॥
काशींत स्नान करी चंदन लावी पंढरपुरीं ॥ ३ ॥
कोल्हापुरीं फिरे झोळी भोजन करी पुरी पांचाळी ॥४॥
तुळजापुरीं धुवी हस्त मेरू शिखरों समाधिस्थ ॥५॥
माणिक सद्गुरुनाथ जगत् व्यापक हा अत्रिसुत ॥ ६ ॥
दत्तगुरु सुखधाम
दत्त सुखधाम माझा ॥ धू० ॥
मेघ दयेचा अत्रिनंदन तृषित चातक येतां धाबुन ।
फुलविल त्याचे विकलित जीवन पतितां जो आराम ॥१॥
विनम्र भावें जे जन भजती सिंधुसुखाचा त्या गुरुमूर्ती ।
त्रिविधतापही त्वरित लोपली घेतां मंगल नाम ॥ २ ॥
गुरुचरणाचें होतां दर्शन नाचे हर्षन वेडे मन्मन ।
सुफलित होई अवघे जीवन लाभे सुख विश्राम ॥ ३ ॥
गाऊ या दत्त दत्त वदनीं
गाऊं या दत्त दत्त वदनों
गाऊं या दत्त दत्त भजनीं
तयावांचूनी कोण विसावा मनुजाला त्रिभुवनीं ॥ १ ॥
त्रैमूर्ती हा दत्त दिगंबर
भस्मांकित तनु सतेच सुंदर
नमिती सुरासुर ऋषिमुनि भावें आळविती निशिदिनी ॥२॥
मंगलमय हें नाम गुरूचें
सदैव ज्याच्या अधरों नाचे
भय त्या कसलें मरण कशाचें नामामृत सेवनीं ॥ ३ ॥
दत्त दिगंबर मधुर चंद्रमा
चकोर बनुनी सेतूं सुषमा
वारकरी आम्ही अमरपुरीचे नाचूं या रंगणीं ॥ ४ ॥
रुद्राक्षांच्या नकोत माळा
रुद्राक्षांच्या नकोत माळा नको त्रिकाळीं स्नान
भुकेला भक्तीचा भगवान ॥ धू० ॥
सेवून कण्या तो विदुराचा सौंगडी
त्या सुदाम्याचिया पोह्याची आवडी
भावभक्तिचें तया आवडें एकच तुळशी पान
भुकेला भक्तीचा भगवान ॥ १ ॥
तो जेवू घालतो नामदेव विठ्ठला
नामाजीसाठी धेड हरी जाहला
जनी संगती दळतो त्याला भक्तांचा अभिमान
भुकेला भक्तीचा भगवान ॥ २ ॥
एकनाथा सदनों विठ्ठल भरितो घडे
तुकयाची भोळी भक्ती त्या आवडे
वारक-यांसह नाचूं लागे भजनांतही भगवान
भुकेला भक्तीचा भगवान ॥ ३ ॥
कृष्णाकांठीं दत्तगुरूंचा
कृष्ण। कांठी दत्तगुरूंचा घडला साक्षात्कार
सुकृत आलें फळास माझ्या, घडला साक्षात्कार ॥
योगीराज श्री समर्थ स्वामी
अवचित आले माझ्या सदनी
पदस्पर्शाने झाले पावन, मम जीवन संस्कार ॥ १ ॥
वैराग्याची सोज्वळ मूर्ती
अपार करुणा हृदयी प्रीती
प्रणव सुरांतुनी जगा दाविती, विश्वरूपाचें सार ॥ २ ॥
अंतरी साक्षित्वाचा प्रत्यय
सदा देती मज अखंड अक्षय
सार्थकतेचे अश्रू बघती, आत्म ऐक्य साकार ॥ ३ ॥
मज भेटून जा हो दत्तसख्या अवधूता
मज भेटून जा हो दत्त सख्या अवधूता ॥ धृ० ॥
कां तुम्ही कमंडलु विसरूनि आला इथे
प्रिय श्वान आज ते तुम्हांसवे कां नसे
कांखेचि झोळी तो विसरून गेला कुठे
परि तुम्हांस पुरते ओळखिलें मी आतां ॥१॥
किती व्याकुळतेने तुम्हांस मी आळविले
हृदयींचे भावही व्यथितपणे कळविले
इंद्रियांस दमुनी चित्ताला वळविले
कां उगाच असली सत्त्वपरीक्षा घेता ॥ २ ॥
किती सुयोग सुंदर भेटीचा मज दिला
ना वियोग तुमचा कधी घडावा मला
सर्वस्व भाव मी चरणी तव वाहिला
मन रंगून गेलें गुरुराया हे आतां ॥ ३ ॥
मित्रांनो, आम्ही आशा करतो कि तुम्हाला Dattachi Gani ही पोस्ट आवडली असेल. Dattachi Gani आणि स्तोत्र, अष्टक अभंग अशा पोस्ट साठी इतर जानकारियांसाठी आमच्या सोबत राहा. आपले अमूल्य समय देण्यासाठी धन्यवाद. तुमचा दिन शुभ व मंगलमय हो।